2025 жылғы 21–23 қаңтар аралығында Nazarbayev University және NU Impact Foundation экожүйесі Лондонда өткен білім беру технологиялары саласындағы халықаралық BETT Show көрмесіне қатысты. Көрме аясында экожүйенің үш стартапы — WeGlobal, Artisan Education және Alpha Education — EdTech, жасанды интеллект және student well-being бағыттарындағы қазақстандық шешімдерді таныстырды.
WeGlobal стартапы студенттердің психологиялық әл-ауқатын қолдауға арналған цифрлық платформаны және Nazarbayev University базасында student well-being жүйесін енгізуге бағытталған стратегиялық жобаны ұсынды. Жоба Қазақстан Республикасының ресми делегациясына, оның ішінде Ғылым және жоғары білім министрі Саясат Нұрбекке, масштабталатын қазақстандық шешім ретінде таныстырылды. Көрме барысында Ұлыбританияның білім беру ұйымдарымен байланыстар орнатылып, Литвадағы серіктестермен ұлттық нарыққа шығу жөнінде келісімдерге қол жеткізілді, сондай-ақ Oxford University-мен бірлескен зерттеу серіктестігін қалыптастыру басталды. Платформаға Еуропа мен Азия елдерінің білім беру жүйелері тарапынан жоғары қызығушылық байқалды.
Artisan Education инженерлік ойлауды және практикалық оқытуды дамытуға бағытталған онлайн-платформа мен PiBody аппараттық шешімін қамтитын білім беру экожүйесін таныстырды. BETT Show аясында Ұлыбритания мен Жапония университеттерімен, сондай-ақ AI және EdTech компанияларымен байланыстар орнатылып, өнімге дәстүрлі онлайн-платформаларға икемді және қолжетімді балама ретінде халықаралық қызығушылық байқалды.
Alpha Education оқытуды автоматтандыруға және білім беру шешімдерін нақты академиялық және бизнес-процестерге енгізуге бағытталған AI және digital курстарын ұсынды. Стартаптың шешімдері Ұлыбритания мен Еуропалық одақ елдерінің университеттері мен EdTech командалары тарапынан, әсіресе гибридті форматтар мен практикалық AI-шешімдер тұрғысынан қызығушылық тудырды.
NU Impact Foundation экожүйесіне кіретін стартаптардың BETT Show 2025 көрмесіне қатысуы қазақстандық EdTech шешімдеріне халықаралық деңгейде жоғары қызығушылық бар екенін және олардың шетелдік нарықтарда ауқымды түрде енгізілу әлеуетін растады.
