29 тамызда Назарбаев Университетінде түлектерді, студенттерді, оқытушыларды, қызметкерлерді, серіктестер мен университет достарын біріктірген NU Alumni Fest 2026 қайырымдылық фестивалі өтті. Фестивальге 1 500-ге жуық адам қатысты.
Іс-шара Назарбаев Университетінің 15 жылдығына орай ұйымдастырылып, Университет пен NU Түлектер қауымдастығының бірлесуімен, NU Impact Foundation қолдауымен өткізілді.
Фестивальдің негізгі идеясы университет қауымдастығын нығайту және giving back мәдениетін дамыту болды. Бұл – түлектердің alma mater-мен байланысын сақтап, өз тәжірибесімен бөлісуі және студенттердің кейінгі буындары үшін жаңа мүмкіндіктер жасауға атсалысуы. NU Alumni Fest фестивалінің басты нәтижелерінің бірі – билет сатылымынан 7 млн теңге жиналуы. Жиналған қаражаттың барлығы қоғамдық өмірге белсенді араласатын NU студенттеріне арналған қосымша стипендия тағайындауға бағытталады.
Түлектер тәжірибесімен бөлісу үшін университетке оралды
Фестиваль қатысушыларына Қазақстан Республикасының Ғылым және жоғары білім министрінің міндетін атқарушы Саясат Нұрбек құттықтау сөз сөйледі.
Іскерлік бағдарламаның негізгі бөлігін бизнес, мемлекеттік сектор, технология, инвестиция және басқа да салаларда мансап құрған NU түлектерінің сөз сөйлеулері мен панельдік пікірталастары құрады.
Панельдік сессиялар Nazarbayev University жанындағы өнер, ғылым, технологиялар, креативті индустриялар және кәсіпкерлікті тоғыстыратын көпсалалы кеңістік – Өnergy Creative Art Hub-та өтті. Биыл Орталық Азиядағы осы форматтағы алғашқы хаб ретінде ашылған Өnergy пәнаралық тоғыста тәжірибе жасауға, идеяларды жаңа жобаларға, өнімдерге және кәсіпкерлік бастамаларға айналдыруға мүмкіндік беретін орта қалыптастырады.
NU Түлектер қауымдастығының қызметі туралы Қауымдастық кеңесінің төрағасы Ербол Төлегенов пен атқарушы директор Айжан Атшабарова айтып берді. BI Group маркетинг жөніндегі директоры, NU түлегі Тимур Маликов өзінің кәсіби жолы мен мансаптық тәжірибесімен бөлісті.
Build Your Own Path панельдік сессиясында SmarTestPrep негізін қалаушы Лаура Вайгорова, ARLAN BIOTECH тең құрылтайшысы Даукен Сейткали, Drinkit және HP Coffee тең құрылтайшысы Ернар Бірімжан, Sturgeon Capital венчурлік инвесторы Назерке Қалидолда және Outpeer AI негізін қалаушы Әліби Сансызбай өз тәжірибелерімен бөлісті.
Leadership & Impact пікірталасына «Отбасы банк» АҚ Басқарма төрағасы Ләззат Ибрагимова, ҚР Стратегиялық жоспарлау және реформалар агенттігі төрағасының орынбасары Әділ Құсманов, ҚР Жасанды интеллект және цифрлық даму вице-министрі Бақтияр Мұхаметқалиев және McKinsey Associate Partner Асылан Қасымов қатысты. Пікірталастың модераторы NU Түлектер қауымдастығы кеңесінің төрағасы Ербол Төлегенов болды.
Екі панельдік пікірталастың барлық қатысушылары – Назарбаев Университетінің түлектері.
Мансап, жаңа таныстықтар және университет қауымдастығы
Фестиваль аясында Opportunity Hub жұмыс істеп, қатысушылар Қазақстанның және халықаралық жетекші компаниялардың өкілдерімен тікелей тілдесуге мүмкіндік алды. Рекрутинг аймағында Higgsfield AI, BI Group, Alstom, AVC Group, BCG, Deloitte, EPAM, KAZ Minerals, McKinsey, Отбасы банк, SLB, Smart Bridge және Teach For Kazakhstan компаниялары мен ұйымдары ұсынылды.
Кампус аумағында спорттық және интерактивті алаңдар, робототехника мен дрондар аймақтары, Speed Dating, фуд-корт және балаларға арналған үлкен ойын алаңы да жұмыс істеді.
2020 және 2021 жылғы түлектердің университетке оралуы
NU Alumni Fest аясындағы ерекше оқиғалардың бірі – дәстүрлі бітіру іс-шаралары пандемия кезеңіне тұспа-тұс келген 2020 және 2021 жылғы түлектерге арналған салтанатты рәсім болды.
Бірнеше жылдан кейін түлектер студенттік өмірінің маңызды кезеңінің аяқталуын бірге атап өту үшін кампуста қайта бас қосты. Оларға Назарбаев Университетінің Президенті профессор Вакар Ахмад құттықтау сөз сөйледі.
Бұл рәсім фестивальдің негізгі идеясын айшықтай түсті: түлектердің alma mater-мен байланысы диплом алғаннан кейін де жалғаса береді.
NU түлектері мен студенттерінің музыкасы
Ауқымды концерттік бағдарлама университет студенттерін, түлектерін және шығармашылық ұжымдарын біріктірді. Сахнада NU Orchestra, NU Choir, Dance Club, Vocal Club және басқа да студенттік және түлектер ұжымдары өнер көрсетті.
NU Alumni Fest 2026 фестивалінің хедлайнері ALEM болды.
Giving back: бір буынның жетістігі келесі буынға мүмкіндік береді
NU Alumni Fest – жылдар өткен соң қайта кездесуге арналған іс-шара ғана емес. Оның мақсаты – түлектер, студенттер және университет арасындағы тұрақты байланысты қалыптастыру.
NU-ға оралған түлектер кәсіби және өмірлік тәжірибесімен бөлісіп, студенттерге қолдау көрсетеді, мансаптық мүмкіндіктер қалыптастырады, жаңа серіктестер тауып, университет қауымдастығының дамуына үлес қосады.
Фестиваль барысында жиналған 7 млн теңге осы мәдениеттің нақты көрінісіне айналады: қаражат қоғамдық өмірге белсенді араласатын NU студенттеріне арналған қосымша стипендияға бағытталады.
NU Alumni Fest 2026 фестивалін өткізу NU Impact Foundation қолдауының арқасында мүмкін болды. Қор таланттарды дамытуға, инновацияларды ілгерілетуге және әлеуметтік маңызы бар жобаларды қолдауға бағытталған бастамаларды жүзеге асырып, қолдау көрсетеді. Қор үшін NU Alumni Fest-ті қолдау – осы жұмыстың жалғасы, яғни бір буынның тәжірибесі келесі буын үшін жаңа мүмкіндіктер ашатын орта қалыптастыру.
Фестивальдің негізгі серіктестері – BI Group және Higgsfield AI.NU Alumni Fest университеттің күші тек беретін білімінде ғана емес, сонымен қатар адаммен бірге оқу бітіргеннен кейін де жалғасатын қауымдастықта екенін көрсетті.