Назарбаев Университетінің Жоғары бизнес мектебінің түлегі Жанар Кульжанова «Kok Maisa» жобасын ұсынды. Жанар елорданың қазақтілді оқушылары арасында эко-сана мен эко-білімді арттыру, нөлдік қалдықтар қағидаттарымен танысу және эко-әдеттерге баулуға ниеттеніп отыр. Осылайша, балалар қатты тұрмыстық қалдықтарды бөлек жинайды, қалдықтардың түрлері және оларды дұрыс сұрыптау және кәдеге жарату туралы негізгі білім алады.

Нысаналы топ — мемлекеттік тілде оқитын 5-7 сынып оқушылары. Сондай-ақ қаланың 10 қазақ тілді мектебінде үш ай ішінде 5-7 сынып оқушылары арасында 3000-ға жуық адам қамтылатын шеберлік сабақтар өткізіледі. Бойжеткен жануарларды қорғау мәселесіне де бей-жай қарамайды. Сондықтан ол жануарлар жемі үшін «СтопОтлов»-қа қайырымдылық мақсатта қаражат беруге және «Нұр-Алем» қоры арқылы мұқтаж отбасыларға көмектесуге ниетті.