Назарбаев Университетінің Әлеуметтік даму қоры өзінің нысаналы топтарына әлеуметтік инновацияны қолдау, қаржылық, ақпараттық, əкімшілік жəне ұйымдастырушылық көмек көрсету мақсатында құрылған коммерциялық емес ұйым болып табылады.

Қордың мақсаты – қазақстандық қоғамды білім беру, ғылыми-зерттеу, ғылыми-техникалық, əлеуметтік, мәдени, қайырымдылық, инновациялық және басқа да қоғамға пайдалы салаларда дамыту.

Қордың нысаналы аудиториялары – студенттер, Назарбаев Университетінің жəне оның ұйымдарының қызметкерлері, коммерциялық емес ұйымдар мен жалпы қоғам.

2012 жылдан бастап Қор жастардың сапалы білім алуына ықпал ететін қолайлы ортаны қалыптастыру, қызметкерлердің академиялық жəне ғылыми қызметін дамыту, сондай-ақ Назарбаев Университетінің студенттері мен түлектерінің арасында әлеуметтік, ғылыми бастамашылдықты қалыптастыру бойынша бірқатар бағдарламаларды сәтті жүзеге асырды.

Бұдан бөлек, Қор студенттердің кəсіби жəне тұлғалық дағдыларын жетілдіру бастамаларын қолдау арқылы студенттік өзін-өзі басқаруды дамытуға, салауатты өмір салтын ұстануға, сондай-ақ инклюзивті білім беруге ықпал етеді.

Қор қызметінің бастапқы мақсаты қазіргі таңда да өзектілігін жойған жоқ. Алайда бұған дейін еліміздің болашақ көшбасшыларын тəрбиелеп, NU Community дамытуға үлес қосып келсек, бүгінде Қор өзінің қызмет аясын кеңейтіп, бүкіл қазақстандық қоғамға пайдалы болуға ұмтылуда.

Бұл міндетті біз қоғам мен қоршаған ортаның мəселелерін шешуге өзгертуші əлеметтік кəсіпкерлік жобалар арқылы тікелей үлес қосуға мүмкіндік беретін Impact Investments деген жаңа бағыт арқылы жүзеге асыруға ықыластымыз.