НУ Жаратылыстану, әлеуметтік және гуманитарлық ғылымдар мектебінің түлегі Гулбахыт Турсымбаева Алматы қ. ЖОО жастарының психологиялық денсаулығын нығайтуға ниетті. Өз идеясын жүзеге асыру үшін ол «Jarqyn.mе» жобасын ұсынды. Жоғарыда көрсетілгендей, жоғары оқу орындарының студенттері нысаналы топ болады. Кейіннен Гулбахыт осындай студенттерді оқытуға және қолдауға ниетті.
Жоба аясында 30 ерікті психикалық денсаулық, коммуникациялар және көшбасшылық бойынша тренингтерден өтеді. Нәтижесінде студенттер өздерінің ЖОО-да ақпараттық қоғамдық іс-шараларды және жеке консультацияларды (peer-to-peer) өткізу дағдыларына ие болады.

Тікелей бенефициарлар еріктілер рөліне іріктеуден өткен және jarqyn.me бағдарламасы бойынша тренингтер мен оқытудан өту мүмкіндігіне ие болған студенттер болады. Жобаның жанама бенефициарлары Алматы қ. таңдаулы ЖОО білім алушылары болып табылады, олар еріктілер қауымдастығынан сапалы қолдауға қол жеткізе алады.

Әлеуметтік жобаны ойдағыдай жүзеге асырғаннан кейін студенттер көмек алу және ақпаратқа қол жеткізу үшін кеңейтілген мүмкіндіктерге ие болады: 300-ден астам студент іс-шараларға қатысу арқылы психикалық денсаулық туралы білімдерді арттырады және 200-ден астам студент жеке кеңес алады. Сондай-ақ екі тілде тренингтер жөніндегі нұсқаулықтарды ұсыну арқылы қазақ және орыс тілдерінде сөйлейтін студенттер де көмекпен қамтылатын болады. Осылайша, қиын және дағдарыстық жағдайларда қолдауға қолжетімділік кеңейе түседі.

Жобаны жүзеге асыру жастардың психологиялық денсаулығы мен әл-ауқатын жақсарту үшін студенттерге қолдау көрсету деңгейін арттыруға көмектеседі. Мыңнан астам әлеуметтік желі қолданушылары әлеуметтік желілердегі бейнероликтер мен жазбалар арқылы ақпараттық қолдау алады. Контент студенттердің өзекті мәселелерін және осы мәселелерді шешу үшін пайдалы тәжірибелерді қамтитын болады.