Наурызға орай корпоративтік “Әлеуметтік даму қоры” Nazarbayev University-ге кіреберісті нағыз этноауылға айналдырды, мұнда ескі мен жаңа үндестік тауып, халқымыздың ерекше мәдениеті таныстырылды.
Келген қонақтар салт-дәстүрімізбен танысып қана қоймай, ата-бабаларымыздың мұрасы туралы толығырақ біліп, оның әсемдігі мен көркемдігін тамашалады.
Төменгі атриумда жайылған киіз үйлер студенттер, оқытушылар мен қонақтарды жинап, қазақ халқына тән қонақжайлылық көрсетілді. Сонымен қатар ауылдарда қолөнер шеберханалары ұйымдастырылды, әр қонақ құмыра қалап үйреніп, садақтан оқу атуды меңгеруге мүмкіндік алды. Алайда қонақтарды қатты қызықтырған ойын асық болды – бұл ойын адамның стратегиялық ойлау қабілетін дамытады.
Бәрінен де ең қызықтысы алтыбақан болды – қонақтар кезекке тізіліп, алтыбақан тебуге асықты. Ол, өз кезегінде, жастық, құмарлық пен шаттықтың символы. Алтыбақан жанында домбыра тартылып, ұлттық әуендер ойналды. Қатысушылар келер жылға тілек айтып, бір-біріне жылы лебіздерін білдірді. Наурыздың ең басты пәлсапасы – бірлік, жаңару мен бақ-қуат. Осы пәлсапа кампуста жайылған ауылдардың негізгі ұстанымы болды.
NU-дағы Наурыз тойдың тағы бір ерекшелігі – шетелдіктердің қатысуы. Университет қауымдастығы түрлі ұлт өкілдерінен тұратынын ескерсек, бұл шара ұлтымыздың ерекше мәдениетін таныстыратын ерекше мүмкіндік болды. Шетелдік студенттер мен оқытушылар әр дәстүрге таңданып, қазақ қолөнері түрлерімен айналысып көрді. Ұлттық ойындарды ойнап, қымыз ішіп, наурыз-көжеден дәм татты. Көбі үшін бұл шара Қазақстан мәдениетімен алғашқы танысу болды, барлығы ерекше әсерде қалды.
Оған қоса, шараға Университет басшылығы да қатысты. Олар жастар арасында ұлттық мәдениетіміз бен құндылықтарымызды сақтап қалудың маңызын айтты. Бұл этноауыл тек қана мерекенің бір бөлігі болып қана қоймай, сондай-ақ ата-бабаларымызбен, ұлттық мәдениетімізбен қауышуға мүмкіндік берді. Түптеп келгенде, қазақ мәдениеті – сіз бен біз құратын тарих!
